Қапшағай тас жолы 15 қазанда жабылады

Алматы облысында «Алматы вокзалы торабын айналып өтетін теміржолдың айналма желісін салу» жобасы жасалып жатыр. Теміржол желісінің бір бөлігі ақылы «Алматы — Өскемен» тас жолымен қиылысады.

«Қазавтожол» хабарлағандай, 15, 16 және 17 қазанда түнгі 00:00-ден таңғы 06:00-ге дейін 38-ден 46-шақырымға дейінгі ақылы жол учаскесі жабылады, себебі осы уақытта көпір құрылымының арқалықтарын орнату жұмыстары жүргізіледі. Жабылған бөлікті айналып өту үшін Алматы — Жетіген жолын пайдалануға болады.