Қалаға кіреберісте жаңа атау жазылған тақтайша орнатылды. Құжатта бұрынғыша аталып тұрғанымен, жақында ол да өзгереді. Мысалы, Алматы — Қапшағай тас жолының атауы әлі ауысқан жоқ. Оны бұған дейін де «Қонаев жолы» деп атауға болар еді. Өйткені Қазақстан Компартиясы ОК бірінші хатшысы (1986 жылға дейін), КОКП ОК Саяси бюросы мүшесі, үш мәрте Социалистік Еңбек Ері, Қазақ КСР Ғылым академиясының академигі Д.А Қонаев туған жері Бақанасқа осы жолмен баратын.
Сондықтан трассаның жағдайы 1986 жылға дейін тамаша болып тұратын. Оқыс оқиға болса шұғыл хабар жеткізу үшін жол бойында бір-бірінен белгілі бір қашықтықта телефондар орнатылған. Қысқасы, жол қай жағынан алсаң да үлгі болатындай еді.
Тас жолдың талай жыл бойы тақтайдай тегіс боп жатуына қытайлар да әсер етті, анықтап айтқанда, бұған өткен ғасырдың 70 жылдарындағы Қытаймен қақтығыс себеп болды. Ол кезде оңтүстік астананың төңірегінде көптеген әскери база орналасқан, билік қажет болса жол жиегіндегі ағаштарды кесіп, «Қапшағай жолын» армия ұшақтары ұшып-қонатын жолақ ретінде пайдаланбақ болған.
Қаланың өзі салыстырмалы түрде жаңа. 2020 жылы құрылғанына 50 жыл болды.
Комментариев: 0