Puma спорткары 2.8 млн теңгеге бағаланды

Канадада көпшілікке беймәлім Puma маркасының GTI спорткары саудаға түсті. 1966 жылы пайда болған бразилиялық компанияның спорт киім брендіне, Ford кроссоверіне қатысы жоқ. Дизайны көзтартатын жақсы сақталған купені иесі 6.2 мың долларға (2.8 млн теңге) сатуға келісті.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

1960 жылдың басында Сан-Паулуға қоныс аударған италиялық Хенаро Мальцони Puma Automóveis Ltda компаниясының негізін қалады. 70-80 жылдары жергілікті биліктің қолдауы арқасында оның көліктері Бразилияда өте танымал болды. Бразилия автоөндірісті дамыту үшін шетелден автомобиль кіргізуге шектеу қойған болатын.

Puma GTI және GTC модельдері жергілікті зауыттан сатып алған Volkswagen компоненттеріне негізделді және Мальцонидің дизайны бойынша жасалған шыныпластик шанақ панельдерін алды. Puma GTI-ды Volkswagen Beetle-дың туысы деуге болады. Купедегі 54 ат күші бар (78 Нм) 1.6 литрлік оппозит мотор 4 сатылы механикамен жұптаса жұмыс істейді. Моторы әлсіз болса да, салмағы 900 келі Puma GTI ширақ болатын.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Мына көліктегі мотор қуатты болса керек, себебі иесінің біреуі Solex карбюраторы мен кастомдық газ шығару жүйесін орнатыпты. Көлік 81 мың шақырым жүріп өтсе де жақсы сақталған. Халықаралық классикалық автомобиль нарығында сирек кездесетін жергілікті модельдер үшін қызығушылық артып келе жатқандықтан, машинаны инвестиция ретінде алуға болады.