Porsche жаңа Panamera-ны таныстырды

Компания Panamera лифтбегінің үшінші буынын таныстырды. Шасси мен дизайнында түбегейлі өзгеріс жоқ, бірақ салоны айтарлықтай өзгерді. Сонымен қатар төрт гибрид мотор, соңғы үлгідегі Active Ride амортизатор басқару жүйесімен жабдықталды, ал универсал шанағынан бас тартты. Еуропадағы клиенттеріне наурызда жеткізе бастайды, ең арзан нұсқасының бағасы — 107 800 еуро.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Аспа схемасында өзгеріс жоқ: алдына екі, артына бес иінтіректі аспа орнатылады және шанағының күштік конструкциясы сол қалыпты. Сондықтан көліктің өлшемі өзгеріссіз қалды (стандарт модель — 5052 мм, ұзын Executive нұсқасы — 5202 мм), сыртқы стилі таныс қалпын сақтап қалды, бірақ барлық шанақ панелі жаңарды. Базалық жабдықтар тізіміне матрицалық оптика кіреді, қосымша ақыға әр блогында 32 мың диодтан тұратын HD фара орнатып береді. Артқы жағында шанақтың енін бойлай орналасқан «моношам» бар.

1 / 9

• 
• 
• 
• 
• 
• 
• 
• 
• 

1 / 9

Panamera салоны Taycan мен жаңарған Cayenne үлгісінде қайта жасалды. Беріліс қорабы селекторын рөл жаққа ауыстырғаны орталық тоннельді «жинақы» жасады, климатты басқару блогы өзгерді және рөл аздап жаңарды. Салондағы басты өзгеріс — бірден үш дисплей орнату мүмкіндігі. Алдыңғы жолаушыға арналған бөлек 10.9 дюймдік экран қоюға болады. 12.6 дюймдік аспаптар панелі де жақсарған.

Компания Panamera-да кем дегенде бес мотор болатынын хабарлады, бірақ әзірге екеуінің сипаттамасы белгілі. Қазір ең қымбат Panamera — жаңарған 4 литрлі V8 және 8 сатылы роботпен біріккен жаңа электрлі моторы бар Turbo E-Hybrid нұсқасы. 680 ат күші мен 930 Нм момент беретін, максимал жылдамдығы сағатына 315 шақырымға жететін лифтбек алғашқы жүздікті 3.2 секундта еңсереді.

1 / 4

• 
• 
• 
• 

Porsche Panamera 4

Porsche Panamera 4

Porsche Panamera 4

Porsche Panamera 4

1 / 4

Көлемі 25.9 кВт⋅сағ-қа дейін ұлғайған аккумулятор электрлі мотормен 91 км-ге дейін жүруге мүмкіндік береді.

Базалық нұсқада 2.9 литрлі V6 моторы қалды, бірақ жақсарды. Мотор қуаты 330 ат күшінен (450 Нм) 353 ат күшіне (500 Нм) дейін өсті. Нәтижесінде алғашқы жүздікті еңсеру уақыты артқы жетекті нұсқада 5.1 секундқа және Panamera 4-те 4.8 секундқа дейін азайды. Артқы жетекті лифтбектің максимал жылдамдығы жоғарырақ (272 км/сағ.).

Базалық Panamera екі клапанды бейімді амортизатормен және екі камералы пневмобаллонмен жабдықталады, серіппелі аспасы бар модификация енді жоқ. Қымбатырақ нұсқа үшін барлық амортизаторға арналған біркелкі гидравликамен Active Ride деп аталатын инновация дайындалды. Орталықтан басқару үдеу және тежеу сияқты барлық жағдайда шанақтың көлденең күйін сақтауға, сондай-ақ автокөлікті бұрылыстарда мотоцикл сияқты аздап еңкейтуге мүмкіндік береді. Сонымен қатар мұндай схема кедір-бұдыр жолдан өткенде барынша жайлы болуын қамтамасыз етуі керек. Қосымша ақыға басқарылатын артқы дөңгелектер қосуға болады.

1 / 8

• 
• 
• 
• 
• 
• 
• 
• 

Porsche Panamera Turbo Sonderwunsch

Porsche Panamera Turbo Sonderwunsch

Porsche Panamera Turbo Sonderwunsch

Porsche Panamera Turbo Sonderwunsch

Porsche Panamera Turbo Sonderwunsch

Porsche Panamera Turbo Sonderwunsch

Porsche Panamera Turbo Sonderwunsch

Porsche Panamera Turbo Sonderwunsch

1 / 8

Porsche үшінші буынның премьерасын Exclusive Manufaktur бөлімшесінің ауқымды мүмкіндіктерін көрсету үшін пайдаланды. Бренд Шанхайда Panamera-ның Sonderwunsch деп аталатын арнайы нұсқасы көрсетті. Шанағын әрлеу үшін үш эксклюзив түс қолданған, ал бояу құрамына нағыз алтын бөлшектері қосылды. Екі негізгі реңкті бөлетін Avium Metalli түсі осы жоба үшін арнайы жасалған. Шанақ бойындағы жіңішке жолақтан бөлек, дөңгелек дискілері мен терезе жақтаулары осы түске боялған. Ауқатты қытайлар Panamera-ны өз қалауына сай әрлеу үшін Exclusive Manufaktur мүмкіндіктерін қолдана алады.

Болашақта лифтбектің гибрид модификациясынан және V6 моторы бар базалық нұсқасынан басқа, Cayenne TurboмGT-ге ұқсас V8-бен жүретін нұсқасы пайда болатын сияқты. Бірақ әзірше Porsche-нің мұндай лифтбек шығару туралы ойы да жоқ. Ал Sport Turismo-ның арзанырақ нұсқасы болмайды, өйткені компания универсал тым нашар сатылды деп шешті.