Басты бет → Жаңалықтар → Porsche Taycan Tesla Model S-тің рекордын жаңартты
Porsche Taycan отобрал у Tesla Model S рекорд Нюрбургринга

Porsche Taycan Tesla Model S-тің рекордын жаңартты

Германиялық электроспорткар Нюрбургрингте үздік нәтиже көрсетті.

| | 4.1K
Авторы: Виктор Сухоруков

Сериялы электромобильдер арасындағы Нюрбургринг рекорды көптен бері 1020 ат күші бар Tesla Model S Plaid-ға тиесілі еді, ол 20.8 шақырымды 7:35.579-да басып өткен. Енді көш басына Porsche шықты. Ларс Керн тізгіндеген 761 ат күшіне ие Taycan Turbo S қашықтықты 7:33.35-те еңсерді.

Немістер бұл нәтижеге Performance Kit жаңа опциялар пакетінің арқасында қол жеткізді. Аталған пакет Pirelli P Zero Corsa шинасымен қапталған 21 дюймдік дөңгелек дискісі және қайта бапталған 4D Chassis Control жүйесін қамтиды. Сондай-ақ машина осы сынақ үшін қауіпсіздік қаңқасы және жарысқа арналған жүргізуші орындығымен жабдықталды.

Porsche Taycan отобрал у Tesla Model S рекорд Нюрбургринга

Айта кетейік, жалпы электромобильдер арасындағы Нюрбургринг рекорды Volkswagen ID.R прототипіне тиесілі, ол 2019 жылы трассаны 6 минут 05.336 секундта жүріп өткен.