Porsche компаниясы Taycan электромобилінің тауарлық нұсқасын ресми таныстырды. Алдын ала ақпарат бойынша, көлікті алу үшін кезекке тұрғандардың қарасы көп.
Нотчбек негізінде тек электромобильдерге арналған PPE платформасы жатыр. Көлік кернеуі 800 вольтты құрайтын электрлі жүйесімен мақтана алады. Жылдам зарядтау бекеттерінде батареясын 22.5 минутта 80 %-ға қуаттауға болады.
Сонымен қатар, инженерлер үш камералы пневмоаспа, бейімді амортизаторлар, электрлі механикалық тұрақтандырғыш сезбектері мен тартым векторын шынайы уақытта бақылау жүйесінен алған деректерді өңдеуге мүмкіндік беретін Porsche 4D Chassis Control мехатрониканы бақылау жүйесін мақтан етеді.
Қуаттылығына келер болсақ, әзірше тек анағұрлым қымбат екі нұсқасы ғана таныстырылды: Turbo және Turbo S. Алғашқысы 680 күш берсе, екіншісі 761 күш береді. Литий-ионды батареялардың сыйымдылығы бірдей және 93.4 киловатт-сағатқа тең. Жүріс қоры сәйкесінше, 450 және 412 шақырым аралығында.
«Тайкан» салонындағы бес дисплей бірден көзге түседі. Алғашқысы аспаптар панелі ретінде қызмет етсе, екеуі мультимедиалық кешен мен электромобильдің бортттық жүйелерін басқаруға көмектеседі. Тағы екеуі жолаушыларға арналған. Экрандардың бірін алдыңғы орындықтағы, ал екіншісін артқы орындықтағы жолаушының алдына орнатуға болады.
Porsche Taycan-ның бағасы 150 мың доллардан басталады.
Комментариев: 0