Ішкі тексеріс барысында Porsche моторы шығаратын зиянды заттар мөлшері азайтылып көрсетілгені анықталды. 2008-2013 жылдары шыққан модельдердің бағдарламасына заңсыз өзгеріс енгізілген.
Porsche мұны Федералды автомобиль ведомствосына KBA (Kraftfahrt-Bundesamt), Штутгарт прокуратурасына және АҚШ билігіне хабарлады. Қазір тергеу жұмыстарына KBA мамандары қатысып, аталған уақыттағы қызметтік жазбаларды тексеріп жатыр.
Біраз уақыт бұрын компанияның қозғалтқыш әзірлеумен айналысатын бөлімінің басшысы Йорг Кернер зиянды заттар туралы деректерді бұрмалауға қатысқаны үшін түрмеге қамалды. Зерттеу және әзірлеу бөлімін басқарған Майкл Штайнер дизельді моторға өтірік жарнама жасап, алаяқтықпен айналысты деп айыпталды. Компания сол үшін 535 миллион еуро төлеуге мәжбүр болды.
Комментариев: 0