Porsche Cayman және Boxster-мен қоштасуға дайын

Porsche дилерлерге жіберген құжатта «982 топтамасындағы машиналар өндірісін тоқтату 2025 жылдың қазан айына жоспарланып отыр» деп жазыпты.

982 — бұл 718-сериялы орташа моторлы көліктердің зауытта қолданылатын атауы. Бұл топтамаға Boxster родстері мен Cayman купе-фастбэгі кіреді. Екеуі де 2017 жылдан бері шығып жатқан төртінші буын өкілі. Сол себепті оларды ерекше жақсы көретіндер таңдау жасауға асыққаны жөн.

Компанияның мұндай қадамға баруына экология ғана себеп болған жоқ. 1 шілдеден бастап Еуроодақта электронды жүйелерді хакер шабуылынан қорғауды көздейтін каиберқауіпсіздікке қатысты жаңа ереже күшіне енеді, ал «жасы келген» екі машина құрылымдық ерекшелігіне байланысты жаңа нормаға бейімделе алмайды.

Бензинді «Бокстер» мен «Кайманның» орнын Porsche SSP Sport платформасына негізделген батареялы көліктер басады. Тыңшылар түсірген суреттерге көз жүгіртсек, олар бізге таныс шанақ сұлбасын сақтап қалатын сияқты.