Porsche 911 Оңтүстік Америкада 11 мың шақырым жол жүрді

Автошеру Перудың Лима қаласынан басталып, Аргентинаның Ушуайя қаласында аяқталды. Сапарға шыққандар Мачу-Пикчу, Титикака көлі, Уюни тұзды алқабы сияқты құрлықтағы ең қызықты жерлерді аралады. Сондай-ақ Porsche 911 керуені Атакама шөлін кесіп өтсе, саяхатшылардың бір тобы атақты Панамерикан тас жолымен жүрді.

Сапарды Данияның Kalmar Automotive компаниясы ұйымдастырған. Компания Porsche модельдерінің түрлі арнайы нұсқасын жасаумен айналысады. Kalmar Automotive автошеруге Porsche 911-дің бірнеше жол талғамайтын түрленімін және Cayenne моделін екі түрлі мотормен дайындады.

1 / 30

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 30

Kalmar RS нұсқасы үшін 3.9 литрлік алтылық мотордың қуаты 345 күшке жетті, бірақ Kalmar топтамасында аталған қозғалтқыштың 4.1 литрлік нұсқасы бар. Ол 400 ат күшіне ие. Kalmar көліктерді жақсартылған аспа, төменгі бөлігін қорғау және түпнұсқа дөңгелек дискісімен жабдықтады.

Жақында Porsche компаниясының өзі де қазіргі 911-дің жол талғамайтын нұсқасын таныстырды. Атауында Dakar қосымшасы бар машинаға клиренсін 80 миллиметрге биіктететін бейімді аспа, жолсыз жермен жүруге арналған шина және 480 ат күшіне ие мотор орнатылған. 911 Dakar-дың ең жоғары жылдамдығы 240 км/сағ шамасында шектелді.