Porsche 911-ге ұқсайтын Ora Good Cat

Ora бренді жарық көрген сәттен бері немістің «жугына» ұқсайды деген сыннан көз ашпай келеді. Ora Good Cat моделі (сондай-ақ Ora Funky Cat, GWM Ora және GWM Ora 03) жайлы осылай айтуға болады, бірақ Қытай көлігінің «бадырақ көз» оптикасынан бөлек ретро фольксвагенге аса көп жақындығы жоқ.

Таиландтағы Lumga Design студиясы Ora Good Cat-ты неміс өніміне барынша ұқсатып, электрлі хетчбэкке арнайы бодикит ұсынды. Ол сплиттер мен жалған ауа тартқышы бар алдыңғы бампер, капот, алдыңғы қанат, артқы жақтағы екі спойлер және диффузоры бар артқы бамперді қамтиды.

1 / 10

• 
• 
• 
• 
• 
• 
• 
• 
• 
• 

1 / 10

Осы өзгерістердің арқасында Қытай өнімі Porsche 911-ге ұқсап қалды. Дәлірек айтқанда, 525 ат күшіне ие 4 литрлік атмосфералы мотормен жүретін GT3 RS-ті еске салады.

Ora Good Cat-тың сырт пішіні ғана өзгерді, зауытта қойған моно жетекті күштік құрылымы сол күйі қалды. Ол 400 км жүруге жететін батарея мен 143 немесе 172 ат күшін беретін электромотордан тұрады. Мұндай машинаның иесі көшеде жарысам деп әуре болмағаны жөн.