Porsche 911-дің арнайы нұсқасы мультфильм кейіпкеріне арналады

Мақсатты іске асыру үшін Pixar студиясы мен Боб Поли есімді суретші Porsche-нің бірнеше бөлімімен бірге жұмыс істейді. Бұл жолы аса күрделі концепт емес, «Тачки» мультфильміндегі Салли Каррераға арналған 911 Carrera арнайы нұсқасы жарыққа шығады. Сюжет бойынша Салли 2002 жылы шыққан Porsche 911 (996) болатын.

Әзірше көліктің нобайы ғана дайын. Дегенмен оған өзге дөңгелек орнатылып, айрықша көк реңкке боялатыны белгілі. Артындағы Carrera жазуы күміс түстес болады, Саллидің шанағындағы «татуировка» да назардан тыс қалмайды. Оған қоса Porsche Style дизайнерлері бірнеше аксессуар әзірлейді екен.

1 / 4

• 
• 
• 
• 

1 / 4

Автомобильдің бір-ақ нұсқасы жарық көреді. Механикалық қорабы бар спорткар кейін RM Sotheby’s аукционында сатылады.