Пол Ньюман мінген Volvo–740 сатылады

Голливудтың жарық жұлдызы Пол Леонард Ньюман (1925–2008) дарынды актер, кинорежиссер және меценат қана емес, кәсіби автошабандоз болған. Ол 1979 жылы «Ле-Мандағы 24 сағат» жарысында жеңіске жетті, ал 1995 жылы 70-ке келгенде Дейтонадағы бір тәулікке созылған марафонға қатысып, өзіндік рекорд жасады.

Ньюман техниканың қыр-сырын жақсы білген. 1988 жылы Volvo 740 Turbo Wagon сатып алып, көліктің 163 ат күшіне ие 2.3 литрлік моторын Buick GNX-тен алған әлдеқайда қуатты 3.8 литрлік V6-ға алмастырады. Сонымен қатар Pontiac Firebird-ке тиесілі 5 сатылы механика қорап орнатты. Актёр-механик универсалдың аспасын да жақсартып, серіппе мен тұрақтандырғыш қойды. Нәтижесінде клиренсі сәл төмендеген.

Aston Martin не Ferrari секілді аса сәнді спорткар алуға Ньюманның шамасы жететін еді. Алайда ол полиция мен өнеріне тәнті жандардың көзіне түспейтін, ыңғайлы әрі мықты автомобиль мініп, арасында отбасына шабандоз екенін көрсеткісі келген.

1 / 11

• 
• 
• 
• 
• 
• 
• 
• 
• 
• 
• 

1 / 11

Бұл тәжірибе кейін де керегіне жарады, өйткені актер Volvo 960 Wagon универсалына Ford Racing моделіне тиесілі V8 (380 а.к.) орнатты. Машина салоны біраз тозғанын ескерсек, иесі жиі жүйткіген сияқты.

1 / 10

• 
• 
• 
• 
• 
• 
• 
• 
• 
• 

1 / 10

Автокөлік Bring A Trailer аукционына қатысып жатыр, қазір құны 25 мың долларға жуықтап қалды. Бірақ соңғы бағасы одан әлдеқайда жоғары болатынына күмән жоқ.