ҚР Бас прокуратурасының Құқықтық статистика және арнайы есепке алу комитеті азаматтарды Әкімшілік іс жүргізудің бірыңғай реестрі арқылы тексеру мүмкіндігін бұғаттады. Енді полиция планшеті арқылы реестерге ЖСН енгізген соң ақпарат автоматты түрде базаға сақталады, оны кейін өшіру мүмкін болмайды. Инспектор енді өзі тексерген тұлғаға хаттама ғана толтыра алады.
Комитет Kolesa.kz редакциясына хабарлағандай, жүйе жұмысына жүргізушілерден түскен шағымға байланысты өзгеріс енген, себебі полицейлер реестр арқылы жүргізушінің жұмыс орны, мекенжайы және телефон нөмірі сияқты жеке деректерін біле алған. 1 желтоқсаннан бастап полиция Әкімшілік іс жүргізу реестеріне жүргізуші жол ережесін бұзғанда хаттама толтыру және айыппұл салу үшін ғана кіреді. Қызметкерлердің жүйе көмегімен басқа әрекеттер жасауына тыйым салынады.
Қазақстанда жол полициясы 2017 жылдан бастап планшет қолдана бастады.
Комментариев: 0