Франция астанасының көп көшесінде жылдамдықты шектеу 30 тамызда күшіне енді. Билік осы шешімі арқылы жолдағы қауіпсіздікті арттырып, жол апаты мен ауаның ластануын азайтуды, сонымен қатар орталықтағы тұрақтарды босатуды көздеп отыр. Одан бөлек, тым баяу қозғалыс тұрғындардың жаяу жүруіне немесе қос дөңгелекті көлік мінуіне ықпал етеді.
Бұл шектеудің қала тіршілігін қамтамасыз етуде аса маңызды жолдар мен кең даңғылдарға қатысы жоқ.Ірі көшелерде машина 70 км//сағ жылдамдықпен қозғалады.
Ереже бұзған жүргізуші айыппұл төлеп, куәлігіндегі екі баллды жоғалтады. Құжатта небәрі 12 балл болады және олар таусылғанда азамат жүргізуші куәлігінен айырылады.
Франция мұндай күрделі шешім қабылдаған Еуропадағы жалғыз мемлекет емес. Нидерланды, Италия, Испания және Ұлыбритания жолдарында да жұрт тасбақаша қозғалады. Былтыр Лондондағы көшелердің жартысында жылдамдық сағатына 32 км-ге дейін шектелді. Біздің елдегі қоғам белсенділері де былтыр осындай бастама көтерген. Олар Нұр-Сұлтан мен Алматыдағы жылдамдық режимін қайта қарауды ұсынды.
Комментариев: 0