9 қазанда Орал қалалық соты полиция қызметкерлері, көлік бақылау инспекторлары және бір пара берген азаматқа үкім шығарды. Mgorod.kz хабарлағандай, жеті адамға пара алып, белгіленген шектен көп астық тасыған жүк көліктерінің қалада жүруіне рұқсат берді деген айып тағылды. Ал бір жүргізушіні тікелей пара берді деп айыптап отыр. Пара алғандар қылмысының ауыр-жеңіліне қарай 500 мыңнан 2.6 млн теңге аралығында айыппұл төледі, ал пара берген зейнеткер Ринат Туксумбаев жеті жылға сотталды.
«Күйеуімнің жұмыс істеуіне мүмкіндік бермеді, қызметкерлер үнемі тоқтатып, ақша талап етеді. Ол бұл ісіне өкініп, соттан кешірім сұрады», — дейді сотталған тұрғынның әйелі Гүлнар Тайбағарова.
«Ол есірткі тасымалдаған жоқ, астық тиелген машиналарды кеденде күтіп алып, ертіп жүретін. Параны өз еркімен берген жоқ. Оның машинасына жасырын камера орнатқан, бейнежазбадан оның көлікте ұйықтап жатқанын көруге болады, сағат
Құқық қорғаушы қылмыстық істе заң бұзу әрекеті көп болғанын айтты. Мысалы, жол апаты болған кезде Туксумбаевтың көлігіне тыңдау құрылғысы орнатылған. Кейін ол апатқа түскендердің бірі сыбайлас жемқорлыққа қарсы орган қызметкері екенін таныпты. Адвокат ешкімнің адам өмірі мен денсаулығына қауіп төндіруге құқығы жоқ екенін айтты. Сотта Туксумбаев кінәсін толық мойындап, тергеуге септесті, істің барлық мән-жайын айтып беріп, пара алған қызметкерлерді анықтауға көмектесті, бірақ мұның бәрі бекер болып шықты. Пара алды деп айыпталған тәртіп сақшылары абақтыға қамалмады. Жүргізушіні ғана айыпты санап отыр.
Жақында Ринат Туксумбаевтың туыстары мен қорғаушылары сот үкіміне қарсы арыз түсіреді, олар БҚО сотынан бастап президентке дейінгі барлық органға шағым жазуды жоспарлап отыр.
Комментариев: 0