Өзбекстан билігі мемлекеттік нөмір беру тәртібін өзгертті. Жаңа ереже бойынша автомобилистер әртүрлі цифрлы комбинацияға ғана емес, тек әріптен тұратын, тіпті кісі есімі жазылған нөмірге тапсырыс бере алады.
Avtoelon.uz хабарлағандай, жаңа ереже келер жылы 1 қаңтарда күшіне енеді.
Бірақ шектеулер бар. Біріншіден, нөмірдегі таңба саны алтыдан аспауға тиіс. Екіншіден, тұрпайы, бейәдеп немесе ұлттық құндылыққа қайшы келетін сөз пайдалануға тыйым салынады.
Нөмірдің құны белгісіз. Қазір Өзбекстан азаматтары қарапайым нөмір алу үшін мемлекетке 1 442 000 сум (шамамен 61.4 мың теңге) алым төлейді. Ал сұраныс жоғары нөмір аукционда сатылады. Оның бастапқы бағасы Ташкентте 53 560 000 сумнан (2.3 млн теңге), облыстар мен Қарақалпақстанда 12 360 000 сумнан (526 мың теңге) басталады.
Өзбекстанда сатылған ең қымбат мемлекеттік нөмір — 10 777 ZZZ комбинациясы. Оны бір заңды түлға 1.56 млрд сумға (шамамен 66.5 млн теңге) алған.
Комментариев: 0