Осы демалыста дрифт жарсы өтеді

Алматы маңында автоспорт маусымы қызып тұр, алдағы демалыс күндері (13–14 сәуір) екі іс-шара өтеді. Атап айтқанда Gorilla Drift Championship дрифт жарсы және «Пампас» мото сайысы өтеді.

Gorilla Drift Championship бірінші кезеңі, 13–14 сәуір

13 сәуір сағат 12:00-де STK Sokol-да Gorilla Drift Championship жаттығуы басталады. Іс-шараға көрермендер кіре алады. Билет 2000 теңге тұрады. Бұл күні шабандоздардың өнерін тамашалап қана қоймай, дрифт-таксиге міне аласыз.

Сондай-ақ 13 сәуір сағат 16:00-де жарысқа қатысушыларды іріктеу өтеді.

Негізгі жарыс жексенбі, 14 сәуірде өтеді. Сағат 13:00-де Gorilla Drift Championship бірінші кезеңі ресми ашылады. Шеру мен автограф-сессиядан кейін жұптық жарыс басталады. Шараға кіру ақылы. Билетті жарыс өтетін күні кіреберістен немесе онлайн сатып алуға болады. Бағасы:

«Стандарт» — 3000 тг, трибунаға шыға алмайсыз;
«Трибуна» — 5000 тг;
Gold, барлық аумаққа, соның ішінде автомобиль тұратын техпаркке кіруге болады, — 10 000 тг.

Жарысқа бара алмағандар Gorilla On Air YouTube-арнасынан тікелей эфирде көрсе болады.

«Пампас», 14 сәуір

«Пампас» эндуро-спринті былтыр күзде Қазақстанға оралды. Қапшағай жағасында танымал мотокроссмендер мен әуесқой эндуристер бақ сынаған. Биыл жарыс Көктерек кентінің маңындағы полигонда өтеді. Ұйымдастырушы балалар мен әйелдерді қамтитын алты түрлі класс пен бес түрлі трасса дайындап отыр.