14 және 15 қыркүйекте (сенбі, жексенбі) Алматы тұрғындары мен қонақтары еліміздің әр аймағы мен көрші елдерден келген екі жүзге жуық сирек кездесетін машина жиналған MotorFest-ті тамашалай алады.
Ұйымдастырушылар бұл іс-шара Орта Азиядағы маңызды автомобиль фестивалі екенін айтты. Онда америкалық маслкарлар, рестомод, ретротехника және жергілікті тюнерлердің түрлі жобасы жұрт назарына ұсынылады. MotorFest қорытындысы бойынша ең үздік сегіз автомобиль марапатталады.
Фестивальге кіру ақылы. Билетті Ticketon қосымшасы немесе сайтынан, сондай-ақ іс-шара өтетін күні «Медеудегі» кассадан алуға болады. Ересектер — 5000 теңге, ал 7 жастан 12 жасқа дейінгі балалар 2000 теңге төлеп кіреді.
Комментариев: 0