Осы аптада WADS-тың соңғы кезеңі өтеді

Алдағы демалыста Қапшағай жағалауындағы ASP Arena алаңында WADS қысқы дрифт сериясының соңғы кезеңі өтеді және 2026 жылдың чемпионы анықталады.

Үшінші кезеңде Қазақстанның әр өңірінен және алыс-жақын шетелден келген жүргізушілер, соның ішінде әйгілі дрифт шеберлері — Масато Кавабата мен Тецуя Хибино өнер көрсетеді.

Асфальтта тәжірибесі мол жапондар мұз бетіндегі жарыстың алдыңғы екі кезеңінде жүлделі орын ала алмады. Қазір үздік үштікте Виталий Козлов, Максим Агеев және Пётр Бородин тұр.

Сайыс үш күнге созылады. 5 ақпанда пилоттар екі жаттығуға (11:00–14:00 және 15:00–21:00) қатысады, оны көрермен де тамашалай алады. Бір билетпен барлық іс-шараға кіруге болады.

6 ақпанда тағы бір жаттығу (9:00–12:00), ал 13:00-де іріктеу өтеді. Ол 19:30-ға дейін жалғасады.

Жұптық сайыс 7 ақпанға жоспарланған. 12:00–13:00 аралығында машиналар шеруге шығады, кейін топ-32 басталады. Дрифтшілер 21:00-ге дейін бақ сынайды.

Билеттің бастапқы бағасы — 5000 теңге. Оны ресми сайттан онлайн сатып аласыз.