Жергілікті полиция департаментінде қазір төрт дана жеке мобильділік құралы бар. Оннан аса полицей Segway жүргізу курсынан өтіп, қаладағы жағалау мен саябақтарды гироскутермен бақылауға дайын отыр.
Полиция мінетін «сегвей» сирена және жыпылықтайтын қызыл-көк түсті шаммен жабдықталған. Гироскутер автомобиль жүре алмайтын жерді патрульдеп, қылмыстың алдын алуға көмектеседі. Полиция департаменті жаңа құрылғы уақыт үнемдеуге және полиция жұмысын жақсартуға көмектесетінін айтты.
Департамент полицейлер гироскутердің қандай моделін мінетінін нақты атамағанмен, кей «сегвейдің» ең жоғары жылдамдығы 70 км/сағ болады, қарқыны небәрі 3.9 секундта 48 км/сағ-қа жетеді.
Сипаттамасы мен мобильділігін ескерсек, ол мопедшілерді қадағалауға таптырмайтын құрал. Бірақ Өскеменде мопед саны Алматыдағыдай көп емес.
Комментариев: 0