Оқыс оқиға 19 қыркүйек күні 14:10-да Доспанов көшесінде болды. 32 жастағы ГАЗ-53 тізгіндеген азамат «30-мектеп» аялдамасына қарсы бетте 2009, 2010 және 2011 жылғы үш оқушыны қағып кеткенін облыстық полиция департаменті хабарлады. Балалар жолға жүгіріп шыққан, ал жүргізуші байқамапты.
Басы жарылып, аяқ-қолы сынған оқушылар ауруханаға жеткізілді. Медициналық тексеріс нәтижесінде апат болған сәтте ер адамның есірткі шеккені анықталған. Қазір Қылмыстық кодекстің 345-бабы, 1-бөлігі бойынша сотқа дейінгі тергеу жүріп жатыр.
Балаларды жазым ете жаздаған жүргізуші 2 жылға дейін көлік басқару құқығынан айырылып, 160 АЕК (490 080 теңге) айыппұл төлеуі немесе дәл сол көлемде түзету жұмыстарын атқаруы немесе 160 сағат мерзімге қоғамдық жұмысқа тартылуы, не болмаса 40 тәулікке қамалуы мүмкін.
Комментариев: 0