Ұлыбританияда Škoda Kodiaq-тың Armoured модификациясы пайда болды, ол Superb Armoured седанының орнын басты. Автомобиль брондалған көлік жасаумен айналысатын UTAC Special Vehicles компаниясының тәжірибелі мамандарының қолынан өтті.
Машина Kodiaq-тың қарапайым нұсқасынан радиатор торына, алдыңғы бамперге және жүксалғыш есігіне орнатылған аса байқалмайтын стробоскоппен ерекшеленеді, себебі басты мақсат көлікті барынша көзге түспейтіндей жасау болған.
Жолаушылар отыратын бөлігі болат және оқ өтпейтін әйнекпен қорғалған, сондықтан күшейген амортизатормен, қуатты тежеуіштермен жабдықталды. Run-flat шинасындағы бекіткіштердің арқасында желі шыққан дөңгелекпен жүруге болады. Салондағы 8 дюймдік сенсорлы мультимедиа экраны GPS, апаттық шамдар және сиреналарды басқаратын «байланыс орталығына» айналды.
Полигонда өткен сертификаттау сынағы барысында мамандар көліктің ең осал жерлеріне оқ атты. Škoda Kodiaq-тың арнайы түрі бұл сынақтан PAS 300/301 әдісі бойынша өтті. Автомобиль әртүрлі қаруға, соның ішінде винтовкаларға төтеп береді, сондай-ақ жаяу әскерге қарсы граната мен жарылғыш заттардан қорғайды.
2018 жылдан бері чехиялық компания бес жүзге жуық брондалған Superb сатқанынан мұндай «Шкодаларға» сұраныс бар екенін көруге болады. Kodiaq Armoured 33 мың фунт стерлинг тұратын кәдімгі кроссоверден шамамен төрт есе қымбат.
Комментариев: 0