Оқ өтпейтін Cybertruck

Кремний алқабындағы көшелердің бірінде шанағы оқ іздеріне толы Cybertruck камераға түсіп қалған соң Илон Маск оның полигонда сынақтан өткен прототип екенін растады.

We emptied the entire drum magazine of a Tommy gun into the driver door Al Capone style. No bullets penetrated into the passenger compartment.

— Elon Musk (@elonmusk) October 20, 2023

«Біз томми-ганның бүкіл оғын жүргізуші жақтағы есікті атуға жұмсадық» деген Маск бірде-бір оқ салонға кіре алмағанын атап өтті.

Томми-ган — кезінде АҚШ-та дәурені жүріп тұрған қылмыстық топ өкілдерінің қолынан түспейтін Томпсон пистолет-пулемётінің атауы. Қарудан шыққан 45-калибрлі оқ қазіргі винтовкалармен тайталаса алмағанмен, қарапайым машинаны тесіп жібереді.

«Кибертракты» алғаш көрсеткенде-ақ Маск машинаға оқ өткізбейтін әйнек орнатамыз деп мәлімдеген. Енді сөзін іспен дәлелдегендей.

Бір жағынан Cybertruck-тың тот баспайтын болаттан жасалған мықты әрі өте қатты корпусы сынған машинаны қалпына келтіретін мамандарды біраз әуреге салатыны анық.