Өнеркәсіп министрі: жүздеген көлік әкелгісі келетін адам салық төлеуге міндетті

1 желтоқсаннан бастап елге автомобиль жеткізу ережесі өзгергені туралы Мемлекеттік кірістер комитеті екі апта бұрын хабарлады. Көлік құралын сертификаттау және кедендік рәсімдеу алгоритмін түзетуді Өнеркәсіп және құрылыс министрлігі бастаған болатын.

«Алдымен екі нәрсені түсіндіргім келеді. Елге автомобиль әкелу ережесі 2015 жылдан бері қолданыста. Яғни, ережеге ешқандай өзгеріс енбеді. Екіншіден, екі жағдайды мысалға келтірейін. Былтыр бір адам – 793, 34 адам 100-ден астам автомобиль кіргізген. Яғни, олар кәсіпкерлік қызметпен айналысуда», — деп мәлімдеді Қанат Шарлапаев.

Шенді өнеркәсіп министрлігі азаматтарға қандай да бір шектеу енгізуді мақсат етпегенін, бірақ олар кәсіпкерлікпен айналысып, елге жүздеген техника әкелгісі келсе, мемлекеттік органдардың заңды талаптарын орындап, қажет алымдарды төлеуге тиіс екенін атап өтті.

Қазір импорттаушылар бәрін заңға сәйкес орындай алмай жатыр. Мысалы, 7 қарашадан бастап көлік құралы құрылымының қауіпсіздігін растайтын куәлік алу мүмкін емес. Демек, машинаны кеденде рәсімдеп, тіркей алмайсыз. Неге? Kolesa.kz редакциясы мұның себебін анықтап жатыр. Біздің жаңалықтарды өткізіп алмаңыз!