Жасыл құрлықта классикалық Ford Mustang-тың ерекше нұсқасы сатылды. 1966 жылғы екі есікті маслкар 8 орынды лимузинге айналған.
Mustang көп жыл бойы зауыттан шыққан күйінде сақталған, 2000 жылдардың басында ғана Аустралиядағы тюнерлердің қолына түсіпті. Мамандар машинаның дөңгелек базасын ұзартып, қосымша шанақ панелін жасаған, қарама-қарсы орналасқан екі диван бар (алты адам сыяды) жолаушылар бөлігін дайындаған. Бұдан бөлек салонда Sony динамигін алған аудиожүйе, жүксалғышта сабвуфер орналасқан. Автомобиль Аустралия жолдарында алаңсыз жүру үшін шеберлер рөлін оң жаққа ауыстырыпты.
275 ат күшіне ие 4.7 литрлік V8 моторы мен 3 сатылы автомат қорабы 2024 жылға дейін стандарт күйінде сақталды. Кейін түпнұсқа агрегаттың орнын 5 литрлік мотор басты.
Ерекше Ford Mustang 15 039 миль жүрген, бірақ сатушылар бұл түпнұсқа көрсеткіш екеніне сенімді емес. Автомобиль жалға алу қызметінде болып, түрлі салтанатты
Машина нақты қаншаға өткені белгісіз. Бірақ ұзын Mustang алғаш рет саудаға шығып отырған жоқ, бұған дейін 99 мың долларға бағаланған.
Комментариев: 0