Omoda S5 Қазақстанға келді

Қазақстан нарығына биыл шілдеде C5 кроссоверімен шыққан Omoda бренді топтамаға S5 седанын қосты. Автомобильдің көлемі Hyundai Elantra және Kia Cerato-мен шамалас. Ұзындығы — 4644 мм, ені — 1814 мм, биіктігі — 1493 мм, ал ось арасындағы қашықтық — 2650 мм.

Капот астында 147 ат күші мен 210 Нм момент беретін 1.5 литрлік турбомотор тұр. Агрегат алдыңғы дөңгелектерді айналдыратын вариатормен жұптасқан.

S5-тің Сomfort нұсқасы 11 млн теңге тұрады. Автомобильде алдыңғы қауіпсіздік жастығы, құрамына круиз-бақылау, жарық сезгегі, артқы парктроник, артқы көрініс камерасы және дөңгелек қысымын бақылайтын жүйе кіретін базалық электроникалар жинағы бар.

1 / 6

• 
• 
• 
• 
• 
• 

1 / 6

Одан бөлек кілтсіз ашу, климат-бақылау жүйелерімен, сымсыз қуаттағыш және жылыту опцияларымен жабдықталған. Орындықтар мен рөл колонкасы қолмен реттеледі. Аспаптар панелінің 10.25 дюймдік экраны цифрлы. Медиажүйе дисплейінің де көлемі сондай. Ол Apple CarPlay және Android Auto-мен жұмыс істейді.

Седанның екінші нұсқасы Luxury деп аталады. Бағасы — 12.2 млн теңге. Оған панорамалы люк, бүйірлік эйрбэг пен қауіпсіздік перделерін, жаңбыр сезгегі мен жүргізушіге жәрдем беретін жүйелер орнатыпты. Көмекшілер тізімінде көрінбейтін аймақтарды бақылау, жолақта ұстау, бейімді круиз-бақылау, автотежеу, жарық пен айнала шолу камераларын автоматты қосу функциялары бар. Қымбатырақ көліктегі жүргізуші орындығы электр көмегімен реттеледі, ал екінші қатардағы жолаушылар үшін төбесіне шам қойған.