Көлік және жол-көлік инфрақұрылымын дамыту басқармасы басшысының міндетін атқарушы Марат Есеркепов «Парковочное пространство Астаны» ұйымына тиесілі паркоматтар жұмыс істемеуі тиіс. Олар ресми рұқсат алған жоқ. Қала тұрғындарына Нұржолдан басқа жердегі тұрақ үшін ақша төлеудің қажеті жоқ. Себебі бұл паркоматтардың жұмыс істеуіне рұқсат берілмеді, оған түскен ақша қала бюджетіне түскен жоқ«, — деп мәлімдеді.
Шендінің сөзінше, көлік басқармасы мемлекеттік кірістер департаментіне аталған ұйымға қатысты шара қолдану жөнінде хат жолдады. Заңсыз тұрақ ақысын төлемегендерге салынған айыппұлдың мәселесі қалай шешілетіні белгісіз.
Алайда «Парковочное пространство Астаны» компаниясы шенділер таққан айып негізсіз дейді.
«Парковочное пространство Астаны» ЖШС-не тиесілі тұрақтардың бәрі Нұр-Сұлтан әкімдігі мен көлік және жол-көлік инфрақұрылымын дамыту басқармасының балансында тұр. Ақылы тұрақ үшін бөлінген жер телімдері мемлекет меншігінде. Барлық қаражат пен салық қала бюджетіне төленген", — деп мәлімдеді компания өкілдері.
Комментариев: 0