20 сәуірден бастап Нұр-Сұлтанда көлік жуатын, дөңгелек ауыстыратын, техника жөндейтін орындар мен автосалондар және қосалқы бөлшек сататын дүкендер қайта есік ашты. Шенділер оларды қатаң санитарлық-эпидемиологиялық талаптарды сақтауға міндеттеді. Бірақ барлық талап қатаң сақталғанның өзінде, бұл қызмет түрлері халықтың бәріне бірдей қолжетімді емес.
«Қалада еркін қозғалуға рұқсаты бар азаматтар ғана көлігін жуа алады. Карантин әлі аяқталған жоқ. Біз шұғыл штаб 28 наурыз күні бекіткен № 6 Шешімді негізге аламыз, онда халықтың қозғалысына қатысты негізгі тұстар жазылған», — деді Тауарлар мен қызметтердің қауіпсіздігі мен сапасын бақылау департаменті жұмыс орны мен коммуникациялық нысандардағы жұқпалы емес аурулар бойынша қадағалау бөлімінің басшысы Гүлнар Қалиева.
Оның айтуынша, аталған талаптар басқа қызмет түрлеріне де қатысты. Астанада азаматтар тарапынан карантиндік шектеу шараларының сақталуын полицейлер қадағалауда.
Комментариев: 0