Бес ұры тек көлік дөңгелегіне көз тігіпті. Елордалық Полиция департаментінің баспасөз қызметі хабарлағандай, күндіз олар Алматы және Байқоңыр аудандары аумағында тұрған автокөліктердің дабыл белгілері бар-жоғын тексеріп, кешке ұрлыққа түсетін болған. Қаскөйлердің тағы үшеуін тәртіп сақшылары кешкі рейд кезінде құрықтапты. Оларға автокөліктердің құлпын сындырып, тонады деген айып тағылуда.
Сонымен қатар, патрульдік полицияның қолына көліктердің дабыл жүйесін тексеріп, аккумуляторын алып жүрген 23 жастағы нұрсұлтандық тұрғын түсті. Тапқан олжасын ол түсті металл қабылдайтын орынға өткізбек болыпты, бірақ мұнысы іске аспады. Қазір ұсталғандардың осындай қылмыстарға қатысы бар-жоғы тексерілуде.
Комментариев: 0