Сары түсті ирек сызықтар Отырар көшесіндегі жол үсті өткелдерінің маңына сызылды. Елордалық полиция департаментінің баспасөз қызметі хабарлағандай, тәртіп сақшылары мұндай таңба жүргізушілердің жаяу жүргіншілерге арналған өткелдерге ерекше мән беруіне ықпал етеді. Одан бөлек, сары сызығы бар жерлерге көлік қоюға тыйым салынады.
Болашақта мұндай белгілерді қаланың басқа көшелеріндегі реттелмейтін өткелдердің маңына сызу жоспарланып отыр. Аталған жол таңбасы ҚР Жол қозғалысы ережесіне әлі енгізілмеген. Ережедегі осыған ұқсас белгі тек қоғамдық көлік аялдамасын білдіреді.
Комментариев: 0