Жергілікті полиция департаменті жақында анықталған өзгеше ұрлық туралы хабарлады.
Тергеу мәліметіне сүйенсек, күдікті кешкі уақытта қаладағы тұрғын үйлердің ауласын аралап жүріп, бұзылып тұрған Mercedes-Benz-ті (полицейлер моделін атаған жоқ) көреді. Иесі көлік жоғалғанын байқамайды деп ойласа керек, астана тұрғыны оны ұрлап кетуге бел байлайды. Ол машинаны қалай әкетудің әдісін іздеп әуре болмай, бірден эвакуатор шақырған.
Полиция департаменті күдікті ұрланған машинаны жөндеп, сатуды көздегенін айтады. Mercedes-Benz мөлшермен 1.5 миллион теңгеге бағаланды.
Қазір аталған қылмыс бойынша сотқа дейінгі тергеу жүргізіліп жатыр. Полиция ұсталған азаматтың өзеге де көлік ұрлығына қатысы бар-жоғын тексереді.
Комментариев: 0