Чехия шеберлері неміс нарығына арнап жасаған шанағы ұзындау және үш есікті Lada Niva Baikal 35.5 мың шақырым жол жүрген.
Көліктің ұзындығы — 4085 мм, ал стандарт модель одан 365 мм қысқа. Қапталындағы жаңа панельдер металл кесіндісінен, ал төбесі шыныпластиктен жасалған. Машинаның астын мамандар пішінделген темір кесіндісі мен қосымша екі жақтау арқылы ұзартыпты. Содан салмағы 30 келіге ауырлап, жүксалғышының көлемі 1190 литрге жетті.
Техникасы жағынан «Байкалдың» кәдімгі «Нивадан» еш айырмасы жоқ. Машина механика және қосылатын толық жетек жүйесімен жұптаса жұмыс істейтін 1.7 литрлік бензинді мотормен жүреді. Қозғалтқыш Еуро-4 стандартына сай.
Сирек кездесетін көлік үшін иесі 26.9 мың злотый (3 млн теңгеге жуық) сұрайды. Ал Қазақстанда 2007 жылғы қарапайым ВАЗ-2121-дің бағасы 600 мыңнан 3.1 млн теңгеге дейінгі аралықта.
Комментариев: 0