Nissan Skyline GT-R-ге негізделген рестомод

BNR34 индексті әйгілі Nissan Skyline GT-R 1999-2002 жылдары шыққан және қазір энтузиастар мен коллекционерлер арасында сұранысқа ие модельдердің бірі. «Годзилланың» атағын ұзақ жылдар бойы спорткарға қосалқы бөлшектер шығарып келе жатқан Nissan компаниясы да, тюнинг-ательелер де белсенді пайдаланып келеді. Енді бұған реставраторлар қосылды.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Built By Legends атты жапониялық компания BNR34-ті реставрациядан өткізу және жаңарту жобасын ұсынды, бұл көліктің өзін қоспағанда 450 мың долларға шығады. Модельдің бағасы қазір жүз мың доллардан асып кетті, ал Nismo Z Tune сияқты арнайы нұсқаның құны миллиондаған долларға жетеді.

1 / 11

• 
• 
• 
• 
• 
• 
• 
• 
• 
• 
• 

1 / 11

Рестомод әзірлеген кезде автомобиль толық бөлшектеліп, шанақ геометриясы тексеріліп, әр жерін дәнекерлеу, аспа бекітетін орындарды күшейту, барлық иінтіректі, тірегішті және подрамникті ауыстыру, AP Racing тежеуішін, карбон шанақ панельдерін орнату, бояуын жаңарту, салон қаптамасын қалпына келтіру және күштік құрылымын жақсарту бойынша жұмыстар жасалады.

1 / 8

• 
• 
• 
• 
• 
• 
• 
• 

1 / 8

Капот астына тюнерлер арасында аңызға айналған Mine’s ательесіндегі мамандардың қолынан өткен RB26DETT қозғалтқышы орнатылған. Агрегаттың MB7 индексі 650-ден астам ат күшін, көлемі 2.8 литрге дейін ұлғайғанын, HKS, Nismo және Tomei компоненттері барын, блок бастиегін NAPREC жақсартқанын, ауа өткізгіш карбоннан жасалғанын білдіреді. Мотор 6 сатылы механикалық Getrag трансмиссиясымен және фирмалық толық жетек жүйесімен жұмыс істейді.