Nissan штаб-пәтерінен сирек кездесетін Skyline GT-R R32 ұрланды

Компанияның Аустралиядағы бөлімшесі тарихи автомобильдер жинағындағы ең қымбатынан айырылды. News.com.au компанияның мәлімдемесіне сілтеме жасап, 1991 жылғы сирек кездесетін Nissan Skyline GT-R коллекциядан ұрланғанын хабарлады. Бұл автокөліктің құны 250 мың Аустралия долларынан (шамамен 83 млн теңге) асады.

1 / 11

• 
• 
• 
• 
• 
• 
• 
• 
• 
• 
• 

1 / 11

1989-1994 жылдар аралығында Nissan Жасыл құрлыққа 100 Skyline GT-R-ды ресми түрде әкелген. Ұрланған автомобиль қызыл түсті шанағымен ерекшеленеді. Nissan-ның жергілікті өкілдігі бұл машинаны 2015 жылы сатып алып, толықтай қалпына келтіріп, оны жарнамаларда пайдаланған.

Бренд GTR 091 нөмірлі спорткардың ұрланғаны туралы нақты мәлімет бермеді, тек құнды көлікті табу үшін билік өкілдерімен бірге жұмыс істеп жатқанын атап өтті. Nissan осы іс бойынша кез келген ақпарат бере алатын адамды көмек көрсетуге шақырды. Жапониялық классиканың, әсіресе GT-R моделінің бағасы тұрақты түрде өсіп келе жатқанын ескерсек, бұл машина қайта сату үшін ұрланған болуы мүмкін және қазір ұрылар оны Аустралиядан тыс жерге жіберуге дайындап жатқан болса керек.

1 / 4

• 
• 
• 
• 

1 / 4

Осыған ұқсас жағдай биыл Жапонияда болды. Жергілікті полиция жалға беру компаниясынан ұрланған Nissan Skyline GT-R R34 моделін тауып үлгерді. Темір тұлпар шетелге теңіз арқылы жіберу үшін контейнерге тиеліп қойған еді. Дәл осы ақ түсті купе 2022 жылдың күзіне қарай желіде танымал болды, өйткені оны Льюис Хэмилтон жалға алған еді. Спортшы жариялаған видеодан көлікті аямай жүргізгенін көруге болады, және автомобиль жалға берумен айналысатын Omoshiro компаниясы сотқа жүгінбекші болған.

View this post on Instagram

A post shared by Lewis Hamilton (@lewishamilton)