Nissan Қытайға арналған NX8 кроссоверін таныстырды

Nissan Қытай нарығындағы N топтамасындағы флагманның алғашқы суретін жариялады. Компания NX8-дің сырт пішінін ғана көрсеткен, бірақ модельді сертификаттау процесінде алғашқы техникалық сипаттамасы белгілі болды.

Nissan NX8-дің алдыңғы бөлігі топтамадағы N6 мен N7-ге ұқсас стильде жасалған. Радиатор торының орнындағы тұтас панель бумеранг пішінді шам және капот жиегін бойлай орналасқан 2.4 метрлік жарықдиодты жолақпен үйлесіп тұр. Бүйірлік пластик артқы тіректің үшбұрыш элементімен толыққан, артқы жағында 2064 диодтан тұратын біртұтас шырақ көзге түседі.

1 / 5

• 
• 
• 
• 
• 

1 / 5

Қытай өлшемімен алғанда Nissan NX8 аса үлкен емес. Оның өлшемі — 4870 × 1920 × 1680 мм, дөңгелек базасы — 2917 мм. Демек жаңа өнім Pathfinder нұсқасынан едәуір кіші. Машина 19 немесе 20 дюймдік дөңгелек дискісімен жабдықталады.

Электрлі NX8-дің бір моторлы түрі ғана сертификат алды: ол 292 немесе 340 ат күшін беретін қозғалтқышпен жүреді. Гибрид күштік құрылым 1.5 литрлік дәстүрлі моторға негізделеді, оның жалпы қуаты — 265 а.к. Nissan NX8 800 вольтты архитектураға негізделген, энергия қорын 15 минутта толтыруға болады. Машинаның батареясы мен жүріс қоры туралы ақпарат жоқ.

1 / 3

• 
• 
• 

1 / 3

Кроссовер Қытайда 2026 жылдың бірінші жартысында саудаға түседі. Жергілікті БАҚ хабарлағандай, N топтамасын бірлесіп әзірлеп жатқан Nissan мен Dongfeng альянсы модельді экспортқа шығаруды жоспарлап отыр. Гибрид пен электрокар кем дегенде Оңтүстік-Шығыс Азия мен Таяу Шығыс елдерінде сатылады.