Nissan Patrol Оңтүстік Африкада «Қара қаршығаға» айналды

Әдемі бастырық Nissan Patrol-ды кейбір жол талғамайтын ерекшелігінен айырған, бірақ қосымша 130 ат күші оны тас жолдың хас патшасына айналдырды. Black Hawk жобасын жасаған оңтүстік африкалық BB Motorsport ательесінің тюнерлері осындай пікірде.

Black Hawk-ты әдеттегі Patrol-дан үлкен әрі өзгеше радиатор торына қарап оңай ажыратуға болады. Шеберлер оның өлшемін ұлғайту үшін алдыңғы бамперді өзгерткен. Бұдан бөлек дөңгелек аркасын кеңейткіш пен 22 дюймдік жаңа дөңгелек дискісін айтуға болады.

1 / 5

• 
• 
• 
• 
• 

1 / 5

Стандарт модельдегі 5.6 литрлік V8 моторы 405 күшке ие (560 Нм), тюнерлер оны түрлендіріп, қуатын 538 ат күшіне (772 Нм) жеткізді. Жол талғамайтын көліктің динамикасы қалай өзгергені туралы ақпарат жоқ, бірақ әдеттегі «Патрол» жүзге дейін жылдамдықты 7 секундта еңсереді.

Ателье көлік сыртындағы өзгерістерге қарамастан Black Hawk жол талғамайтын ерекшелігін жоғалтпағанын айтты. Автомобиль артқы дифференциалды бұғаттағыш пен бірнеше жүріс режимі бар толық жетек жүйесін және электронды көмекшілер жинағын толық сақтап қалды.

BB Motorsport мұндай жол талғамайтын көлікті Оңтүстік Африкада 2.2 млн рэндке (117 мың доллар) сатады. Бұл стандарт Nissan Patrol-дан шамамен 23.5 мың доллар қымбат.