Nissan Patrol-дың жетінші буыны жарық көрді

4 қыркүйекке қараған түні Nissan жол талғамайтын Patrol-дың жетінші буынын және АҚШ нарығына арналған сыңары — Armada моделін жұртшылыққа көрсетті. Бұл көлік 2010 жылдан бері өзгеріссіз шығып келген модельдің орнын басты.

1 / 15

Nissan Patrol

1 / 15

Жаңа өнім өлшемдері жағынан бұрынғы Patrol-дан 18 мм (5324 мм) ұзын болғанымен, ені 86 мм-ге өсіп, 2116 мм-ге жетті. Дөңгелек базасы өзгермеді (3076 мм), ал клиренсі 231 мм-ден 244 мм-ге ұлғайған. Автомобиль жаңарған рамалы платформаны Armada-мен ғана емес, наурызда шыққан Infiniti QX80 моделімен де бөліседі. Nissan-ның сырт келбеті қарапайым көрінеді. Көлікте дәстүрлі жарық техникасы және басқа шанақ панельдері, артқы бөлігіндегі терезенің өзіндік пішіні және қарапайым есік тұтқасы бар.

Жақсартулардан кейін көлік рамасы айтарлықтай қатайған. Бұралу кезіндегі қаттылығы 25 % өсті. Көлік аспасы қосымша пневматикалық баллонмен үйлескен бейімді амортизаторлармен жабдықталған.

Nissan Patrol-дың жетінші буыны жарық көрді

Nissan Patrol енді 406 ат күшін және 560 Нм момент беретін 5.6 литрлік V8 қозғалтқышының орнына 425 ат күші (700 Нм) бар 3.5 литрлік V6 турбомоторымен жабдықталған. Infiniti-дің қуаты 456 ат күшіне тең. Қозғалтқыш 9 сатылы автоматпен және толық жетек жүйесімен жұптасқан. АҚШ-та Armada-ның артқы жетекті нұсқасы да қолжетімді болады.

1 / 10

Nissan Armada Pro-4X

1 / 10

Компания Америкадағы клиенттерге Armada-ның Pro-4X атты арнайы нұсқасын ұсынады. Бұл нұсқа кіру бұрышын 17.3-тен 33 градусқа дейін арттыратын бамперлермен, сондай-ақ астыңғы бөлік қорғанышымен, артқы дифференциалды бұғаттау және бүртабан шиналармен ерекшеленеді.

1 / 14

Patrol және QX80 интерьерінің архитектурасы ұқсас, бірақ материалдары мен кейбір элементтері өзгеше. Мысалы, Patrol-дың дисплейі 12.3 дюйм болса, Infiniti-дегідей 14.3 дюймдік дисплейді қосымша ақыға алуға болады, проекция да ақылы опция. Nissan-ның аудиожүйесінде 12 динамик, ал Infiniti-де 24. Patrol климаттық жүйені басқаруға арналған батырмалы ортаңғы консоль, үлкен бокс және жолсызға арналған режимдерді басқару шайбасын алды.

Patrol және Armada жеті немесе сегіз орынды. Үшінші қатар үш орынды, ал екінші қатарда конфигурацияға байланысты диван немесе бөлек екі орындық болады.

Жол талғамайтын көлік ProPilot Assist көмекші жүйелерімен жабдықталған, оның ішінде жолақта ұстаумен бірге жетілген бейімді круиз-бақылау жүйесі де бар. Қымбат нұсқаларында жүйенің 2.1 нұсқасы орнатылған, ол тас жолда рөлді ұстамай жүргізуге мүмкіндік береді.

1 / 22

Nissan Armada

1 / 22

Nissan Patrol және Armada 2024 жылдың аяғында саудаға шығады. Модельдің негізгі нарығына Солтүстік Америка, Таяу Шығыс елдері және Аустралия кіреді. Бұл көліктің Қазақстанға келу ықтималдығын жоққа шығармаған жөн. Компания әлемдік премьера аясында елімізді атап өтті, ал былтыр күзден бастап Қазақстан нарығы Таяу Шығыс елдеріндегі брендтердің дамуын қадағалайтын Nissan Middle East FZE басқаруына өтті. Nissan-ның жергілікті өкілдері Қазақстандағы марка қайта іске қосылады деп уәде еткен, бірақ әлі жүзеге аспады.

Комментариев: 0