Былтыр жапондар орта көлемді Nissan Sylphy седанымен қоштасты. Ендігі кезек ірілеу Fuga мен Cima-ға келді. Шетелде бұл модельдер Infiniti брендімен белгілі (сәйкесінше Q70 және Q45). Бұлардың бәрі Точигидегі зауытта құрастырылады. Компания енді электромобиль шығаруға, атап айтқанда ең жаңа Ariya кроссоверін жасауға баса назар аударады.
2020 жылы Nissan седандарының өз еліндегі сатылымы 1 %-ға (5800 машина) дейін төмендеген, сондықтан олардың өндірісін тоқтату орынды шешім. Nikkei Asia басылымының жазуынша, компания бұл туралы жеткізушілерге хабарлаған, бірақ уақыты әлі белгісіз. Енді Nissan Жапонияда тек хетчбэк пен кей-кар шығарады. Ал седандар өзге елдерде, әсіресе үлкен сұранысқа ие Қытайда саудаланады.
Skyline өндірісі тоқтамайды. Nissan Motor компания үшін тарихи маңызы бар седанды шығаруды жалғастырады, тіпті оны жетілдіреді. Бұл туралы атқарушы вице-президент Асако Хошино айтты. Бірақ бұл ескі модель, қазіргі буыны жарық көргеніне сегіз жыл болды, соңғы рет 2019 жылы рестайлингтен өткен. Nissan Skyline өзге елдерде Infiniti Q50 деген атаумен сатылады.
Комментариев: 0