Nissan-ның ірі кроссовері 10.5 млн теңге тұрады

Nissan тұсаукесері былтыр желтоқсанда өткен 4.87 метрлік NX8 кроссоверін Қытайда сата бастады. Алғашқы 30 минуттың ішінде 8.4 мыңнан астам тапсырыс түсті. Комапния жергілікті нарыққа арналған автомобильді Қытайдағы серіктесі Dongfeng-тің агрегаттарына негіздеп әзірледі. Оның толық электрлі және іштен жанатын қозғалтқышы дөңгелектермен тікелей байланыспайтын тізбекті гибрид (EREV) түрленімі бар.

1 / 10

• 
• 
• 
• 
• 
• 
• 
• 
• 
• 

1 / 10

Батареялы нұсқа 292 немесе 340 ат күшіне ие бір электромотормен, 81 кВт·сағ батареямен жүреді. Жүріс қоры CLTC циклі бойынша 650 шақырымға жетеді. Қуатты станцияда аккумуляторды 12 минутта 10-нан 80 %-ға дейін толтыруға болады.

Гибрид 1.5 литрлік турбомотормен жабдықталады, дөңгелектерді 340 ат күшін беретін электромотор айналдырады. Электр қуатымен 310 км еңсереді, ал қуаттаусыз және жанармай құймай 1450 км жүріп өтеді.

1 / 5

• 
• 
• 
• 
• 

1 / 5

Дизайнерлер NX8-дің интерьерін Қытайдағы көліктерге тән стильде әрлеген. Жүргізушінің алдында шағын аспаптар панелі тұр, 15.6 дюймдік екі үлкен экранның біреуі жолаушыға арналған. Жабдықтар тізіміне 63 дюймдік алдыңғы әйнекке түсетін проекция кірді. Инженерлер машинаға 29 сезгек пен лидары бар заманауи ассистенттер кешенін орнатты. Оны Momenta стартапының бағдарламалық жасақтамасы басқарады.

Қарапайым гибридтің бағасы 149 900 юаньнан (10.5 млн теңге) басталады. Ең қымбат бензоэлектрлі түрленім 169 900 юань (11.85 млн теңге) тұрады, батареялы модельдердің құны 149 900–199 900 юань (10.5–13.9 млн теңге) аралығында.