2000 жылдары Еуропа нарығына арнап шығарылған Nissan Note біздің елде де, Германия мен Ұлыбританияда да сұранысқа ие бола алмай, өз отанына оралуға мәжбүр болды. Қызығы, ол Жапонияда тойоталық Prius-пен бірге ең танымал көліктердің көшін бастады.
Модельдің іштен жанатын моторы ғана бар нұсқалары қалған жоқ. Көліктегі 82 ат күшіне ие 3 цилиндрлі бензинді мотор литий-ионды батареяны қуаттау қызметін атқарады. 115 ат күші бар электромотор 280 Нм айналу моментін алдыңғы дөңгелектерге береді. Опция ретінде артқы осінде 68 күшке ие электрлі қозғалтқышы бар толық жетекті түрленіміне тапсырыс беруге болады.
Салонда жеті дюймдік цифрлы аспаптар панелі мен 9 дюймдік сенсорлы мультимедиа экраны бірден көзге түседі. Темір тұлпар Navi-link қосымшасы арқылы жолды тек камера мен сезгектердің көмегімен ғана емес, спутник деректеріне сүйене отырып қадағалауға жағдай жасайтын ProPilot жүйесімен жабдықталған. Жүксалғыштың кеңдігі артқы жолаушылардың орындықты шалқайтып, еркін отыруына мүмкіндік береді.
Бір жетекті жаңа Nissan Note желтоқсанның соңына қарай сатыла бастайды. Бағасы 2-2.18 млн иен, яғни 8.1-8.85 млн тг. Ал толық жетекті нұсқасын ақпан айында алуға болады.
Комментариев: 0