1985 жылы жарыққа шыққан Nissan Navara консервативті құрылымымен ерекшеленді, сол үшін де сирек жаңаратын еді. Ондаған жылда тек үш буыны ауысқан. Машина әлемнің әр елінде жақсы сатылып, жаһандық модель бола алды. Қазіргі таңда модель Таиланд, Мексика, Аргентина, Қытай және Оңтүстік Африкада өндіріледі.
Navara үшін Еуропа ең ірі нарық болмағанымен, имидж тұрғысынан маңызы зор. Бірақ қазіргі D23 шанағындағы пикапқа деген қызығушылық жылдан-жылға төмендеп келеді, мәселен 2016 жылы компания қарт құрлықта 30 мың «навара» сатқан, бірақ содан бері модельдің тек 11 695 данасы ғана өтті. Сатылым мөлшері азайғандықтан, бір модель шығару үшін бүкіл зауытты ұстап тұру қиынға соқты. Automotive News хабарлағандай, 2021 жылы желтоқсанда Барселонадағы Nissan зауыты жабылып, Еуропа нарығына арналған Nissan Navara-ның қазіргі буынын өндіру тоқтатылады. Ал сатылымы 2022 жылы аяқталады.
Жапондар «навараны» Еуропаға басқа елдерден жеткізсе болады, бірақ экологиялық талап қатаң, сатып алушылар аз болғандықтан импорт тиімсіз. Қазақстанға келетін болсақ, біздің елде бұл пикап ресми сатылмайды. Дегенмен жүрілген көліктер нарығынан табу қиын емес.
Комментариев: 0