Nissan иелік еткен Porsche 959 аукционға қатысады

Broad Arrows аукцион үйі өте қызық Porsche 959-ды сатуға дайындалып жатыр. Неміс брендінің алғашқы суперкары коллекционерлер арасында сұранысқа ие, бірақ бұл экземпляр 959 SC Reimagined by Canepa бағдарламасында реставрациядан өтіп қана қоймай, 1.2 мың миль жүрген және тарихы қызық.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

1988 жылы шыққан күміс түсті «959-ды» Nissan Motor Company сатып алып, Бельгиядағы Porsche өкілдігі арқылы Иокогамаға жіберген. Автомобиль жапон инженерлерінің қолына түсті, олар толық жетектің күрделі жүйесін зерттеу үшін оны толығымен бөлшектеп тастады. Nissan қызметкерлері алған білімдерін Skyline GT-R-ге (BNR32) арналған әйгілі ATTESA ET-S-те қолданған.

Барлық жұмыс аяқталғаннан кейін компания «959-ды» қайта жинап, жобаны басқарған инженердің біріне сатты. Суперкар АҚШ-та қайта сатылғанға дейін тіркелмепті.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

2019 жылы Canepa мамандары 959-ды толығымен қалпына келтірумен және жақсартумен айналыса бастады. Олар көлікті қайтадан бөлшектеп, Oak Green түсіне бояды, стандарт гидравликалық аспа орнына койловер қойды, өнімділігі жоғары тежеуіш орнатты және салонды толығымен қайта қаптады. Porsche-нің классикалық модельдеріне арналған медиажүйе арқасында заманауи леп берді.

1 / 4

• 
• 
• 
• 

1 / 4

Мотор да назардан тыс қалмады. Зауыттан шыққанда 444 ат күшін берген 2.8 литрлік оппозит мотор қазір 800 ат күшіне ие (881 Нм). Суперкар алғашқы жүздікті 2.5 секундта еңсереді, максимал жылдамдығы сағатына — 370 км.

Porsche 959-ды қалпына келтіру үшін 950 000 доллар кеткен. Барлық жұмыс 4000 сағаттан астам уақыт алған. Аукцион үйі көлікті 3.2-3.8 миллион долларға сатуды жоспарлап отыр.