Nissan GT-R қайта жолға шығады

R35 индексті Nissan GT-R конвейерден түскен, ізбасары шыққан жоқ. Бірақ марканың Солтүстік Америкадағы өнімді жоспарлау жөніндегі вице-президенті Понц Пандикутира The Drive басылымына берген сұхбатында спорткардың ізбасары шамамен 2030 жылы жарық көруі мүмкін екенін айтты. Модель туралы алғашқы ресми ақпарат 2028 жылы жариялануы мүмкін.

Топ-менеджер жаңа GT-R электромобиль болмайды деді, бірақ тек дәстүрлі мотормен жүреді деуге де келмейді. Жаңа өнім бұрыннан белгілі 6 цилиндрлі турбомоторын (VR38) сақтап қалатын сияқты, дегенмен гибрид жүйемен толығуы ықтимал. Әйтпесе бренд күштік құрылымды экологиялық талапқа сай сертификаттай алмайды.

1 / 5

• 
• 
• 
• 
• 

Nissan Hyper Force концептісі

1 / 5

Пандикутира машина туралы толық ақпарат берген жоқ, бірақ күш векторын басқару схемасы бар фирмалық толық жетекті жүйе сақталатыны анық.