Nio ET9 флагманын көрсетті

Nio Қытайда жаңа моделін көрсетті. ET9 индексті үлкен электромобиль ресми түрде седан болғанымен, кросс-фастбэкке ұқсайды. Модельге қазір тапсырыс беруге болады, бағасы 800 мың юаньнан (51.5 млн теңге) басталады.

Nio ET9-дың өлшемі — 5324×2016×1620, дөңгелек базасы — 3250 мм. Nio жаңа өнімі 925 вольтты архитектураға негізделген әлемдегі алғашқы электрокар екенін хабарлады. Соның арқасында седанды жылдам қуаттауға болады, ол 600 кВт токпен жұмыс істейді. 120 киловатт аккумуляторы небәрі 5 минутта 255 шақырымға жететін қуат ала алады. Қуаты біткен батареяны ауыстыруға мүмкіндік бар. Nio ET9 707 ат күшіне ие екі моторлы күштік құрылыммен жүреді, динамикасы жайлы қазірше ақпарат жоқ.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Nio ET9-да фирмалық «сым арқылы» басқару технологиясы болады: басқару элементінің дөңгелекпен физикалық байланысы жоқ. Дөңгелек өлшемі 23 дюйм. Седан клиренсі мен артқы дөңгелекті басқара алатын бейімді электрогидравликалық аспамен жабдықталған. Ол 8.3 градусқа дейін айналады.

Өлшемі үлкен болғанымен, электрокарда төрт орын ғана бар. Артқы жақта үлкен консольмен бөлінген жеке креслолар тұр. Кресло 45 градус шалқаяды әрі жылыту, желдету және массаж функциясы бар.

Консольде жинауға болатын үстел, суытуға болатын мини-бар, қосымша функцияға арналған сенсорлы панель және екі сымсыз қуаттайтын орын бар. Артқы жолаушыларға арналған 14.6 дюймдік дисплей көзге түседі.

1 / 8

• 
• 
• 
• 
• 
• 
• 
• 

1 / 8

Борт электроникасына екі чип жауап береді: Qualcomm Snapdragon 8295 және Nio әзірлеген құрылғы. Электронды көмекшілер кешеніне үш лидар кіреді, бүйірлік айна орнына камера орнатуға болады.

Nio флагманына алдын ала тапсырыс қабылдап жатыр. Бірақ машина клиенттердің қолына 2025 жылдың бірінші тоқсанында ғана тиеді.