Былтыр Electric Brands электрлі мотормен қозғалатын модульді вэнның скетчтерін көрсеткен. Ол кезде жобаның жүзеге асатынына көп адам сенбеді. Бірақ немістер сөзінде тұрып, сериялы түрде шығарылатын прототипті таныстырды.
Машина енді Xbus деп аталады. Кеңестік «буханканы» еске салатын ретродизайны сақталған шағын фургонның салмағы 500-800 кг, ал өлшемі — 3945×1633×1963 мм. Көлік Schaeffler маркалы төрт мотор-дөңгелек арқылы қозғалады. Олар жалпы 20 ат күшін береді, 1200 Нм айналу моменті шекті 75 ат күшін қамтамасыз етеді. Максимал жылдамдығы 100 шақырымнан сәл асады. Samsung SDI/Sanyo ұяшықты батареялардың сыйымдылығы 10-30 кВт·сағ шамасында. Машина жүксіз 200-800 шақырымды еңсереді, ал жүк тиелген көліктің жүріс қоры 150-600 шақырымға жетеді. Xbus 600-800 кг жүк көтере алады.
Модель Германиядағы Итцехо қаласында келер жылы құрастырыла бастайды. Еуропадағы бағасы – 17 380 еуро. Сонымен қатар АҚШ пен басқа елдердің де нарығына шығады.
Комментариев: 0