Неміс брендтерінің Қытайдағы саудасы төмендеді

2024 жылдың ІІІ тоқсанында неміс автоөндірушілерінің Қытайдағы саудасы қатты құлдырады. BMW — 30 %, Porsche — 19 %, VW — 15 %, Mercedes-Benz — 13 % аз өтті. Әсіресе электромобиль сегментінде жағдай күрделі: олардың саудасы жалпы сатылымның 1/10-іне жеткен жоқ.

Bloomberg Қытай тұрғындары қазір машина сатып алғанда қуаты мен жүргізу сипаттамасына емес, техникалық мүмкіндікке көбірек көңіл бөлетінін жазды.

Қытай нарығындағы неміс брендтерінің үлесі әлі 15 %-дан түскен жоқ, бірақ пандемияға дейін бұл көрсеткіш 25 % болған. Демек бұл елде Mercedes-Benz пен BMW экзотикаға айналатын күн алыс емес сияқты. Бұған Қытай автоөндірісінің дамуы әсер етті.

Бұрын Қытай компаниялары Еуропадан тәжірибе қабылдайтын, ал қазір атақты маркалардың өзі Қытай өндірушілерімен серіктес болуға қарсы емес, бұл үрдіс әсіресе электромобиль саласында тереңдеп келеді.