Наурыздағы автонарық: 2.2 мыңнан аса Hyundai Tucson өтті

Наурыз Қазақстан автонарығы үшін 2024 жылдың бірінші тоқсанындағы ең табысты ай болды. Бір айда дилерлер 15.2 мың жеңіл көлік пен жеңіл коммерциялық техника және 725 жүк көлігі мен автобус сатты. Қазақстан автомобиль одағы бұл былтырғымен салыстырғанда 16.4 % жоғары көрсеткіш екенін айтты. Биыл үш айда (39 486 машина) автосалондар 2023 жылмен (37 248) салыстырғанда 6 % көп көлік сатты.

Наурызда Hyundai 3370 автомобиль сатып, тағы да нарық көшбасшысы атанды. Рейтингтегі екінші орында Kia (1810) тұрса, үздік үштікті Chevrolet түйіндеді. Бұрын елдегі ең танымал марка болған Chevrolet-нің жағдайы мәз емес, биыл наурызда 1374 данасы ғана өтті, бұл былтырғы көрсеткіштен 60.9 % төмен.

2024 жылғы наурыз қорытындысы бойынша жаңа автомобильдер нарығындағы үздік 10 марка

Наурыз Changan, Haval сияқты Қытай брендтері үшін табысты ай болды. Олар 2023 жылғы сәйкес кезеңмен салыстырғанда сәйкесінше 286.9 % және 262 % жоғары нәтиже көрсетті.

Hyundai Tucson 2024 жылдың бірінші тоқсанындағы ең танымал модель атанды. Кроссовер үшінші ай қатарынан бірінші орынды ешкімге берер емес, наурызда оның 2.2 мың данасы өтті. Екінші және үшінші орында Chevrolet Cobalt (1215 дана) пен Kia Sportage (808) тұр.

Үздік ондыққа Changan CS55 Plus (450), Jetour X70 (354) сияқты жаңа модельдер де енді. Наурыздағы рейтингтің тең жартысын Қытай машиналары иеленді.

1 / 10

• 
• 
• 
• 
• 
• 
• 
• 
• 
• 

1 / 10

2024 жылғы үш айдың қорытындысы бойынша бренд рейтингінде Hyundai көш бастап тұр. Оның 9286 данасы өтті, бұл 2023 жылғы сәйкес кезеңдегі көрсеткіштен сәл төмен (—1.6 %). Екінші орында Kia (4875) тұр, ал Chery (3441 дана, —12.6 %) үшінші сатыға жайғасты.

2024 жылғы алғашқы тоқсанның қорытындысы бойынша жаңа автомобильдер нарығындағы үздік 10 марка