«НАМИ» электромеханикалық трансмиссия жасады

Ғылыми автомотор институтының сайтында электромеханикалық трансмиссия топтамасының сипаттамасы жарияланды. NAMI E-Transmission гибрид және электрлі көліктерге арналған. Жобалау кезінде қолданылған модульдік және үйлестіру принципі болашақта өндіріс шығынын азайтады.

E-Transmission құрамына синхронды электрлі мотор, күштік инвертор, тартылыс векторын басқаруға мүмкіндік беретін редукторлар, салқындату жүйесі және тұрақ режимінде дөңгелекті құлыптау механизмі кіреді. Бүкіл құрылым IP6K7 және IPX9K стандартына сәйкес шаңнан, балшықтан және судан қорғалған.

Күштік құрылым 150-408 ат күшіне ие (110–300 кВт), ал максимал айналу моменті 160-500 Нм-ге дейін жетуі мүмкін. Инженерлер бүкіл тораптың максимал тиімділігі 92 %-дан асады деп мәлімдеді.

Әзірлеушілер NAMI E-Transmission-ды құрлықтағы көлікке ғана емес, су және әуе техникасына пайдалануға болады деді. Оны «Амберавто» брендімен шығатын электрокарға орнатады деген болжам бар, бірақ мерзімі туралы айтуға әлі ерте.