Жаңа көліктің күңгірт суретін жариялаған автоөндіруші оның техникалық жағына қатысты ақпарат бермеді. Төртінші буындағы Tucson-ның спорттық түрленімі жыл аяғына қарай таныстырылып, 2021 жылдың басында сатылымға шығады. Машина жарқырайтын радиатор торы мен шанағындағы дизайнерлік ерекшеліктерді сақтап қалды, бірақ оны өзге бамперінен, артқы диффузоры мен газ шығаратын келте құбырынан тануға болады.
Tucson N Line қақпағының астына 290 ат күшін беретін 2.5 литрлік бензинді турбомотор орнатылады деген болжам бар.
Hyundai қазір спорттық көліктерге бір табан жақын модельдерді қарқынды шығарып жатыр. Жақында Sonata N Line мен Elantra N Line жарық көрді. Ал i20 N, Veloster N және i30 N, i30 Fastback N үлгілерінің моторы расымен аса қуатты. Бұл қатарға жуырда Elantra N қосылады.
Комментариев: 0