«Москвич» зауыты кроссовердің сипаттамасын өзгертті. Бұрынғы 1.5 литрлік турбомоторы 150 ат күшін беретін, алайда қайта жаңғырған брендтің ресми сайтында 136 ат күші көрсетілген. Зауыттағы мамандар «Автопоток» телеграм-каналына мотор өзгермегенін айтыпты.
Кәсіпорын бұны сертификаттау процесінің ерекшелігі деп түсіндірді. Жаңа сертификатқа өткенде көлік қуатын тәуелсіз зертханалар өлшегендіктен" мотор қуаты азайыпты. Демек көрсеткіш тек қағаз жүзінде өзгерген. Сонымен қатар тартым күші 210-нан 200 Нм-ге түсті.
«Москвич 3-ке» арналған жаңа сертификаттың пайда болуы «Москвич 6» лифтбегінің қарқынды саудасы басталуымен байланысты сияқты. Базалық нұсқасындағы сол 1.5 литрлік мотор 136 ат күшін береді. Осылайша екі модельдің сипаттамасы бірдей болды.
Кроссовер 14 ат күшін жоғалтса да, бағасы өзгермеді. 2.22 млн рубльге (11.5 млн теңге) сатылатын «Москвич 3» механикалық кораппен жүреді, сондай-ақ вариатор орнатылған 2.285 млн және 2.478 млн рубль (11.8 млн және 12.8 млн теңге) тұратын екі түрін алуға болады.
Моторы аяқ астынан әлсіз болып шыққан көлік иелері не істеу керегін компания түсіндірмеді.
Комментариев: 0